जानुकाको तीज गीत ‘मरिन्छ कि साइलो’ बजारमा

काठमाडौं, असार १६ : जानुका तामाङको तीज गीत ‘मरिन्छ कि साइलो’ बजारमा आएको छ। कोरोना भाइरसले निम्त्याएको सङ्कटले दुःखी गरीबलाई चुलो बाल्नसमेत समस्या परेको विषयमा आधारित रहेर गीत तयार पारिएको छ। गीतमा खेम सेन्चुरी, जानुका, विमलराज क्षेत्री, राधिका हमाल र खुमन अधिकारीको स्वर रहेको छ। 

शब्द सिर्जना नेत्र आर्यालले गरेका छन् भने सङ्गीत सेन्चुरीको रहेको छ । गीतको म्युजिक एरेञ्ज विनोद बाजुरालीले गरेका छन् भने भिडियो निर्देशन प्रकाश भट्टले गरेका छन्। भिडियोमा सबै गायकगायिकाले अभिनय गरेका छन्। सेन्चुरीले सङ्गीत गरेका गीतले पछिल्लो समय निकै चर्चा पाउन थालेका छन्। 

गत वर्ष उनकै स्वर तथा सङ्गीत, अर्यालको शब्दमा बजारमा आएको शम्भु कुँवरको तीज गीत ‘लरिलरि लै, रुन्छु बरिलै’ ले युट्युबमा एक करोड ३३ लाखभन्दा बढी भिउज बटुलेको छ। सेन्चुरीको सङगीत, स्वर रहेको गीत ‘झ्यालमा पर्दा पर्दा छ’ ले एक करोड ६५ लाख धेरै भिउज पाएको छ । उनले सङ्गीत रहेको अर्को गीत ‘चिया छानेको’ले एक करोड ७६ लाखभन्दा बढी भिउज बटुलेको छ। सेन्चुरीको सङगीत, स्वर रहेका सबैजसो गीत चर्चामा छन्। 
 

 Published Date: Wednesday, 30th June 2021 1:43:00 pm