काठमाडौं, वैशाख २७ : कोरोना भाइरसको महामारीसँग लड्न अत्यावश्यक सामाग्री खरिदका गर्न लागि गोल्छा ग्रुपले पाटन अस्पताललाई एक करोड रुपैयाँ प्रदान गरेको छ।
सोमबार पाटन स्वास्थ्य विज्ञान प्रतिष्ठान, पाटन अस्पताललाई एक करोड प्रदान गरिएको गोल्छा ग्रुपका अध्यक्ष शेखर गोल्छाले बताएका छन्। कोरोना संक्रमितको उपचारका लागि अत्यावश्यक उपकरण खरिद र स्वास्थ्यकर्मीको सहजताका लागि सहयोग गरिएको गोल्छाले जनाएका छन्।
उनले कोरोनासँग लड्न आ–आफ्नो तर्फबाट सहयोग गर्न सबैलाई आग्रह गरेका छन्। गोल्छाले सामाजिक सञ्जालमार्फत भनेका छन्, ‘आशा छ, हामी सबैले आ(आफ्नो स्थानबाट सहकार्य र हातेमालो गरेर यो महामारीबाट छिट्टै पार पाउन सफल हुनेछौं।’
आज गोल्छा ग्रुपको तर्फबाट पाटन स्वास्थ्य विज्ञान प्रतिष्ठान, पाटन अस्पताललाई अत्यावश्यक उपकरण खरिद र स्वास्थ्यकर्मीको सेवा सहजताकालागि रू १ करोडको सहयोग हस्तान्तरण गरेका छौं । आशा छ, हामी सबैले आ-आफ्नो स्थानबाट सहकार्य र हातेमालो गरेर यो महामारीबाट छिट्टै पार पाउन सफल हुनेछौं 🙏
— Shekhar Golchha (@golchha_shekhar) May 10, 2021
