नवगायिका बिशाखाको स्वरमा ‘पियारी’ को ‘फिमेल भर्सन’ (भिडियो)
काठमाडौं, वैशाख १७ : नवगायिका बिशाखा शाही ठकुरीको स्वरमा चर्चित गीत ‘पियारी’ को ‘फिमेल भर्सन’ सार्वजनिक भएको छ ।बिशाखाले ‘फिमेल भर्सन’ मा गाएको...काठमाडौं, वैशाख १७ : नवगायिका बिशाखा शाही ठकुरीको स्वरमा चर्चित गीत ‘पियारी’ को ‘फिमेल भर्सन’ सार्वजनिक भएको छ ।
बिशाखाले ‘फिमेल भर्सन’ मा गाएको गीतलाई लाइमलाइट नेपाल युट्युव च्यानलले सार्बजनिक गरेको हो । गीतमा गायिका बिशाखा सहित पशुपति खनाल र अस्मिता सेन्चुरीको अभिनय देख्न सकिन्छ ।
‘मेल भर्सन’ जस्तै यसको ‘फिमेल भर्सन’ ले लोकप्रियता कमाउने विश्वास लिईएको छ । बिहिबार मात्र सार्बजनिक गरिएको गीतले हालसम्म युटुबमा करिब ३० हजार दर्शकको माया पाईसकेको छ ।
देउडा शैलीमा रहेको गीतमा युवा गायक जोसेफ शाही ठकुरी आफैलै शब्द लेखेका हुन् भने स्वर पनि आफैले दिएका छन् । गीतमा कोशिष क्षेत्रिले संगीत भरेका हुन् ।
गरिबीले थिचिएपछि केहि विकल्प नभेटेर धन कमाउन विदेश गएको एक परदेशीले आफ्नी धर्मपत्नीलाई सम्झाइरहेको कथाबस्तुलाई उठान गरिएको गीत चर्चित रियालीटी शो द भ्वाइस नेपालबाट पुनः चर्चामा आउनुका साथै यतिबेला टिकटकमा भाइरल समेत बनेको छ ।