‘मिसले सोध्नु भो’ बोलको गीत आउँदै, कांग्रेस प्रवक्ता शर्माको संगीतमा छोरीको स्वर 

काठमाडौं, वैशाख १ : नेपाली कांग्रेसका प्रवक्ता विश्वप्रकाश शर्माले ‘मिसले सोध्नु भो’ बोलको गीत बजारमा ल्याउने भएका छन् ।

आफ्नै छोरी स्वीकृती शर्माको शब्द तथा स्वरमा सजिएको उक्त गीतमा शर्माले संगीत भरेका छन् । गीतलाई शर्माको आधिकारिक युटुब च्यानल मार्फत बिहिबार सार्बजनिक गर्न लागिएको हो ।

उपत्यकाको केहि बिधालयमै सुटिङ गरिएको म्युजिक भिडियोलाई नवल नेपालले निर्देशन गरेका हुन भने मनोहर सुनाम एरेन्ज गरेका हुन् । गीतको म्युजिक भिडियोमा गायिका शर्मा सहित गीता रिजाल, शारदा लुइँटेल ,गोपाल घिमिरे तथा बाल कलाकार अन्भेक्सा कटुवालको अभिनय देख्न सकिन्छ ।

गीतले जन्म दिने बाबा, आमा र शिक्षा दिने गुरुहरुको महत्वलाई झल्काएको छ । संगीत शिक्षक प्रभुराज ढकालको संगीतकि बिद्यार्थी समेत रहेकी गायिका शर्मा कक्षा १० मा अध्ययनरत छिन् ।