मदर टेरेसा, महात्मा गान्धी र अल्बर्ट आइन्स्टाइनको गेटअपमा देखिन चाहन्थे सुशान्तसिंह राजपुत

लिउडकी चर्चित मेकअप आर्टिस्ट प्रीतिशील सिंहले दिवंगत अभिनेता सुशान्तसिंह राजपुत मदर टेरेसा, महात्मा गान्धी र अल्बर्ट आइन्स्टाइनको गेटअपमा देखिन चाहेको खुलास गरेकी छिन् । उनले सुशान्तको जन्मदिनका अवसरमा दैनिक भास्करसँगको कुराकानीमा सुशान्त आफ्ना अघिल्लो प्रजेक्टमा टेरेसा, गान्धी र आइन्स्टाइनको भूमिका देखिन चाहेको बताएकी हुन् ।

प्रीतिशीलले फिल्म ‘छिछोरे’मा सुशान्तसँगै काम गरेकी थिइन् । छिछोरेमा सुशान्तलाई एक युवा विद्यार्थीका गेटअपमा देखाउन प्रीतिशीलको भूमिका अह्म थियो । प्रीतिशलले कुराकानीका क्रममा सुशान्तसँग जोडिएका तर अहिलेसम्म बाहिर नभएका केही कुरा बताएकी छिन् ।

‘छिछोरे फिल्मको सुटिङका क्रममा जब सुशान्तलाई तयार गरिरहेको थिएँ, तब उनले आफूलाई हेर्दै भने– विना कपालको यो लुक्स मनपर्‍यो,’ प्रीतिशीलले भनिन्,  ‘उनी आफूलाई फरक फरक गेटअपमा देखाउने चाहना राख्थे । यति मात्र होइन्, उनी आफ्ना गेटअपसँग जोडिका हरेक क्रिएटिभिटी मसँग सेयर गर्थे ।’

सुशान्त एक क्रिएटिभ कलाकार भएको उनले प्रीतिशीलले बताएकी छिन् । उनले छिछोरेको सुटिङकै क्रममा सुशान्तले आफूसँग आफ्नो आगमी प्रोजेक्टकाबारे पनि कुराकानी गरेको बताएकी छिन् ।

‘उनी एक यस्तो प्रोजेक्टमा काम गरिरहेका थिए, जसमा उनी मदर टेरेसा, महात्मा गान्धी र अल्बर्ट आइन्स्टाइनको गेटअपमा देखिँदै थिए,’ प्रीतिशीलले भनिन्, ‘उनले मसँग यी गेटअप तयार गर्ने विषयमा कुरा गरेका थिए । सुशान्तले आफ्नो लागे एक लुक बुक बनाएका थिए, जहाँ उनी ७ ठूला मानिसको गेटअपमा आफू देखाउन चाहन्थे ।’ 

यो प्रोजेक्टका विषयमा सुशान्त र आफूबीच धेरैदिन्न चर्चा भएको उनले बताएकी छिन् । यो प्रोजेक्टलाई लिएर सुशान्त निकै उत्साहित भएको पनि प्रीतिशीलले बताएकी छिन् । 

तर, सुशान्तले यो प्रोजेक्ट भने गर्न पाएनन् । उनी सन् २०२० अप्रिल १४मा बान्द्रस्थित आफ्नो फ्लाइटमा मृत भेटिएका थिए । सुशान्तको अन्तिम फिल्म ‘दिल बेचारा’ मृत्युको ३ महिनापछि २४ जुलाईमा प्रदर्शनमा आएको थियो ।

 Published Date: Thursday, 21st January 2021 6:33:00 pm