नेप्सेमा उछाल, नेपाल लाइफको उच्च कारोबार

काठमाडौ‌– धितोपत्र बजारमा कारोबार मापक नेप्से परिसूचक आज नयाँ उचाइमा पुगेको छ । लगातार उकालो लाग्दै आएको बजार दोहोरो अंकले उकालो लागेर नयाँ बिन्दुमा पुगेको छ । 
नेपाल स्टक एक्सचेन्जका अनुसार नेप्से ३१.८७ बिन्दुले उकालो लागेर २ हजार ३७४.६४ बिन्दुमा पुगेको छ । यस्तै ठूला कम्पनीको सेयर कारोबार माापन गर्ने सेन्सेटिभ परिसूचक २.५९ ले उकालो लागेर ४४५.५९ मा पुगेको छ ।     
     
 नेप्से उकालो लाग्दा कारोबार रकममा समेत आज राम्रै प्रभाव देखिएको छ । कूल २०९ कम्पनीका १ करोड ८१ लाख ५ हजार ६७१ कित्ता सेयर ७ अर्ब ७९ करोड ८५ लाख २८ हजार ४३३ मूल्यमा खरिद बिक्री भए । आजको कारोबारसँगै बजार पुँजीकरण झन्डै  ३२ खर्बको हाराहारीमा पुगेको छ । नेप्सेमा भएको सुधारसँगै  ३१ खर्ब ८९ अर्ब ९५ करोड ७३ लाख ५० हजार बराबरको बजार पुँजीकरण भएको छ ।     
     
कारोबार भएका कूल १२ उपसमूहमध्ये आज दुई उपसमूहको सेयर उरालो लाग्यो भने १० उपसमूहको सेयर उकालो लागेको छ । बैंकिङ ३.८३ र सामूहिक लगानी कोष ०.०५ ले ओरालो लागेको छ । निर्जीवन बिमा, जीवन बिमा र लघुवित्त उपसमूहमा बहार आउँदा बजारले नयाँ लय समातेको छ । यस्तै व्यापार २.४७, होटल १३.६२, विकास बैंक ३१.३८, जलविद्युत् ६८.२९, वित्त ३१.९८, निर्जीवन बिमा ५४०.२३, उत्पादन २६.१३, अन्य १७.४८, लघुवित्त १५४.१६ र जीवन बिमा ४४३.४३ ले उकालो लागे ।     

उच्च कारोबार गर्ने कम्पनी     
कारोबारका आधारमा आज नेपाल लाइफ इन्स्योरेन्स कम्पनी शीर्ष स्थानमा रहेको छ । सो कम्पनीको  ५३ करोड ३३ लाख १२ हजार ४२१ बराबरको कारोबार भई शीर्ष स्थानमा रह्यो । यस्तै नेको इन्स्योरेन्स  २६ करोड ६४ लाख ४८ हजार २१३, नेपाल पुनर्बिमा कम्पनी  २२ करोड ९९ लाख ४७ हजार २२१, शिखर इन्स्योरेन्स  २२ करोड ८२ लाख ६१ हजार ७७२, नेसनल लाइफ इन्स्योरेन्स  २१ करोड ४४ लाख ५६ हजार १६७, प्रभु बैंक  २१ करोड ४३ लाख ५० हजार ९४३, नेपाल दूरसञ्चार कम्पनी  २१ करोड ३ लाख ६४ हजार ६४८, एनआइसी एसिया बैंक  १६ करोड १६ लाख ३५ हजार ८४४ र अरुण काबेली पावर कम्पनी  १३ करोड ६८ लाख बराबरको कारोबार भई शीर्ष स्थानमा रहे ।     

कमाउने कम्पनी     
कारोबारका आधारमा सर्पोट माइक्रोफाइनान्स १०, स्वाभिमान लघुवित्त ९.९८, सिद्धार्थ इन्स्योरेन्स ९.९७, महिला सहयात्रा माइक्रोफाइनान्स ९.९६, गरिमा विकास लघुवित्त ९.९६, आशा लघुवित्त ९.९६, गुराँस लघुवित्त ९.९४, सूर्योदय लघुवित्त ९.९४ र इन्फिनिटी लघुवित्तका लगानीकर्ताले ९.९४ प्रतिशतले कमाए ।     

गुमाउने कम्पनी     
यसैगरी नारायणी डेभलपमेन्ट बैंक ६.७०, नेपाल हाइड्रो ४.२५, बरुण हाइड्रोपावर ३.३३, बैंक अफ काठमाण्डू २.१३, सनराइज म्युचुअल फन्ड १.९६, मन्जुश्री फाइनान्स १.६५, नबिल इक्विटी फन्ड १.६३ र सनराइज बैंकको ऋणपत्रका लगानीकर्ताले १.६३ प्रतिशतले गुमाए ।