एटलेटिकोले सेभियालाई हरायो 

काठमाडौं, पुस २९ : स्पेनिस ला लिगा फुटबलमा एटलेटिको म्याड्रिडले सेभियालाई पराजित गरेको छ।

गएराति सम्पन्न भएको खेलमा एटलेटिकोले सेभियालाई २-० गोल अन्तरले पराजित गरेको हो। एटलेटिकोको जितमा एंगल कोरिया र साउल निगुएजले एक एक गोल गरेका थिए । जित सँगै शिर्ष स्थानमा रहेको एटलेटिकोले आफ्नो अग्रता बढाएको छ ।

एटलेटिकोको १६ खेलमा ४१ अंक भएको छ भने दोस्रो स्थानमा रहेको रियल म्याड्रिडभन्दा ४ अंकले अगाडी रहेको छ। यद्यपी एटलेटिकोले २ खेल अझै कम खेलेको छ।

त्यस्तै सेभियाको भने १७ खेलमा ३० अंक रहेको छ र लिगमा छैठौ स्थानमा रहेको छ। गएराति नै भएका अर्को खेलमा ग्रानाडाले ओसासुनालई २-० ले नै हरायो।