मुम्बई, असोज ४ : बलिउड अभिनेत्री पायल घोषले निर्देशक अनुराग कश्यपलाई यौन दुर्व्यवहार गरेको आरोप लगाएकी छन्।

उनले एक भिडियो जारी गरि अनुरागलाई यौन दुर्व्यवहार गरेको आरोप लगाकी हुन्। उनले भिडियोमा भनेकी छन्, 'अनुरागले मलाई आफ्नो घरमा बोलाएर जबरजस्ती गर्न खोजेका थिए।' तर, उनले यसको आफूसँग कुनै प्रमाण नभएको पनि बताएकी छन्।

भारतमा मिटू अभियान चलिरहेका वेला पनि ट्वीट गरेर यसबारे बोलेको उनले बताएकी छन्। त्यतिवेला धेरैले ट्वीट डिलिट गर्न सल्लाह दिएको र आफन्तको सल्लाह मानेर डिलिट गरेको उनले बताएकी छन्। त्यसपछि अनुरागले आफूलाई वाट्सएपमा ब्लक गरेको उनको भनाइ छ।

अनुरागसँग तीन पटक भेट भएको बताउँदै तेस्रो भेटमा जबरजस्ती गर्न खोजेको आरोप लगाएकी छन्। उनले भनेकी छन्, .पहिलो भेट अनुरागको अफिसमा भएको थियो। दोस्रो भेट उनको घरमा भएको थियो। तेस्रो पटक उनले घरमा बोलाउँदा गएकी थिए। त्यसवेला उनले जबरजस्ती गर्न खोजे।'

उनले आफूले नै अनुरागसँग मिल्न खोजेको पनि बताएकी छन्। फिल्मबारे कुराकानी गर्न मिलेको उनको भनाइ छ।

तर, अनुरागले भने यसलाई निराधार आरोप भनेका छन्। उनले भनेका छन्, 'मैले न यस्तो गरेको छु, न यस्ताे गर्नेका विरुद्ध बोल्न बन्द गर्छु।'

क्या बात है , इतना समय ले लिया मुझे चुप करवाने की कोशिश में । चलो कोई नहीं ।मुझे चुप कराते कराते इतना झूठ बोल गए की औरत होते हुए दूसरी औरतों को भी संग घसीट लिया। थोड़ी तो मर्यादा रखिए मैडम। बस यही कहूँगा की जो भी आरोप हैं आपके सब बेबुनियाद हैं ।१/४

— Anurag Kashyap (@anuragkashyap72) September 19, 2020