एकै खेलमा ५ खेलाडीलाई रातो कार्ड, नेयमार पनि परे
काठमाडौं, भदौं २९ : ब्रजिलियन फुटबल स्टार नेयमार सहित एकै खेलका पाँच खेलाडीलाई रेड कार्ड देखाइएको छ ।लिग वान अन्तर्गत आइतबार राति भएको...काठमाडौं, भदौं २९ : ब्रजिलियन फुटबल स्टार नेयमार सहित एकै खेलका पाँच खेलाडीलाई रेड कार्ड देखाइएको छ ।
लिग वान अन्तर्गत आइतबार राति भएको खेलमा मार्सिलेसँग पीएसजी १–० गोलले पराजित हुँदा नेयमारसहित पाँच खेलाडीलाई रेड कार्ड देखाइएको थियो ।
खेलाडीहरुबीच अन्तिम समयमा धक्काधक्की चलेपछि नेयमारसहित पाँच खेलाडीले रातो कार्ड खाएका हुन् । जसमा पीएसजीका ३ तथा मार्सेका दुई खेलाडी हुन् । नेयमारले अल्भारो गोन्जालेजलाई हिर्काएपछि रातो कार्ड खाएका हुन् ।
खेलको इन्जुरी समयमा पीएसजीका नेयमार र लेभिन कुर्जावा तथा मार्सेका जोर्डन एमाभीले सीधै रातो कार्ड खाए भने पीएसजीका ल्यान्द्रो डानियल पारेदेस र मार्सेका डारियो बेनेडेट्टोले दोहोरो पहेंलो कार्डपछि रातो कार्ड खाएका थिए ।
तनावपूर्ण खेलको ३१ औं मिनेटमा फ्लोरियन थाउभिनले गोल गर्दै मार्सेलाई अग्रता दिलाएका थिए ।
प्रकाशित मिति: ०८:१७ बजे, सोमबार, भदौ २९, २०७७
प्रतिक्रिया दिनुहोस्
थप समाचार
ब्राइटनविरुद्ध म्यानचेस्टर सिटीलाई ४–० को जित, उपाधि भिडन्त थप रोमाञ्चकशुक्रबार, वैशाख १४, २०८१
उसेन बोल्ट बने टि–२० विश्वकपको एम्बासडरबिहीबार, वैशाख १३, २०८१
एन्फाको आयोजनामा वैशाख २२ देखि एन्फा अन्तर कलेज फुटसलबिहीबार, वैशाख १३, २०८१
भलिबल टोली बंगलादेश प्रस्थानबिहीबार, वैशाख १३, २०८१