प्रधानमन्त्री दाहालका प्रमुख राजनीतिक सल्लाहकार गजुरेलले दिए राजीनामा
नेकपा माओवादी केन्द्रका उपमहासचिवसमेत रहेका गजुरेलले प्रमुख राजनीतिक सल्लाहकारबाट राजीनामा बुझाउनुकाे कारण खुल्न बाँकी रहेकाे जनाइएकाे छ। प्रधानमन्त्री दाहालले २०७९ माघ ९ गते उनलाई प्रमुख राजनीतिक सल्लाहकार बनाएका थिए।![प्रधानमन्त्री दाहालका प्रमुख राजनीतिक सल्लाहकार गजुरेलले दिए राजीनामा](https://kathmandupress.com/uploads/posts/haribol Gajurel_11680694329.jpg)
काठमाडौं, मंसिर २४ : प्रधानमन्त्री पुष्पकमल दाहाल 'प्रचण्ड'का प्रमुख राजनीतिक सल्लाहकार हरिबोल गजुरेलले पदबाट राजीनामा दिएका छन्। गजुरेलले २० मंसिरमा राजीनामा दिएका हुन्। तर अहिलेसम्म स्वीकृत भने भइनसकेको जनाइएकाे छ।
नेकपा माओवादी केन्द्रका उपमहासचिवसमेत रहेका गजुरेलले प्रमुख राजनीतिक सल्लाहकारबाट राजीनामा बुझाउनुकाे कारण खुल्न बाँकी रहेकाे जनाइएकाे छ। प्रधानमन्त्री दाहालले २०७९ माघ ९ गते उनलाई प्रमुख राजनीतिक सल्लाहकार बनाएका थिए।
गत मंसिरमा सम्पन्न आम निर्वाचनमा सिन्धुलीबाट आकांक्षा राखेका गजुरेलल प्रतिनिधिसभाको टिकट पाएनन्। त्यहाँ राजन दाहाललाई टिकट दिइएपछि उनी असन्तुष्ट थिए। त्यसपछि दाहालले प्रधानमन्त्री भएपछि उनकाे असन्तुष्टिलाई शान्त पार्न आफ्नो प्रमुख राजनीतिक सल्लाहकारमा नियुक्त गरेका थिए।
राष्ट्रियसभा चुनाव आउनै लाग्दा गजुरेलले राजीनामा दिएपछि माओवादी केन्द्रलाई अप्ठेराे पर्ने आकलन गरिएकाे छ।