गोर्खा वेमेन फोटो प्रदर्शनी [तस्बिरहरू]

काठमाडौं, मंसिर १० : काठमाडौंको बबरमहलस्थित नेपाल आर्ट काउन्सिलमा गोर्खा वेमेन फोटो तथा आर्ट प्रदर्शनी सुरु भएको छ। ब्रिटिस गोर्खा सैनिकका श्रीमतीसँग सम्बन्धित रहेको फोटो तथा चित्रकला प्रदर्शनी शनिबारबाट सुरु भएको हो। २०७४ सालमा पहिलो पटक प्रदर्शनी गरेकी चित्रकार सुजना थापा श्रीशले गोर्खा सैनिकको इतिहासमा महिलाको भूमिकालाई समेटेर तयार पारेको फोटो तथा चित्रकला प्रदर्शनी राखिएको छ।

मङ्सिर १३ गतेसम्म चल्ने प्रदर्शनीमा ५२ वटा फोटो, १८ वटा चित्रकला र भिडियो दृश्यका साथै कलाकारले काम गरेको सामग्रीहरू पनि राखिएको छ। गोर्खा सैनिकको इतिहास धेरै भए पनि महिलाको इतिहास कतै नपाएपछि अध्ययन अनुसन्धान थालेकी उनले ६ जिल्लामा ७० वर्षमाथिका महिलामा गरेको अध्ययनको क्रममा लिएका २० जना महिलाको फोटो, स्केच र भिडियो क्लिप प्रदर्शनीमा राखेकी छिन्।