जाजरकोट भूकम्पमा १५७ जनाको मृत्यु, १९७ जना घाइते
भूकम्पका कारण जाजरकोटमा १०५ जनाको मृत्यु भएको छ भने रुकुम पश्चिममा ५२ जनाको मृत्यु भएको छ।-1699083524.jpg)
जाजरकोट, कात्तिक १८ : शुक्रबार राति जाजरकोटको बारेकोट केन्द्र भएर गएको भूकम्पका कारण जाजरकोट र रुकुम पश्चिममा १५७ जनाको मृत्यु भएको छ।
भूकम्पका कारण जाजरकोटमा १०५ जनाको मृत्यु भएको छ भने रुकुम पश्चिममा ५२ जनाको मृत्यु भएको छ।
दुवै जिल्लामा गरी १९७ जना घाइते भएका छन्। जसमा जाजरकोटमा १०५, रुकुम पश्चिममा ८५, दैलेख र बैतडीमा ३÷३ तथा रोल्पामा १ जना घाइते भएको प्रहरीले जनाएको छ।
घाइतेलाई उपचारका लागि नेपाली सेनाको हेलिकप्टरबाट नेपालगञ्ज, काठमाडौं तथा अन्य ठाउँमा ल्याउने लगिएको छ।
नेपाली सेना, नेपाल प्रहरी र सशस्त्र प्रहरी बल भूकम्प प्रभावितको उद्धार तथा राहतमा जुटेको छ प्रभावित क्षेत्रमा यसका लागि एक हजार पाँच सयभन्दा बढी सुरक्षाकर्मी परिचालन गरिएको छ।
प्रकाशित मिति: १८:५६ बजे, शनिबार, कात्तिक १८, २०८०
प्रतिक्रिया दिनुहोस्
थप समाचार
