इजरायलमा रहेका नेपालीको सुरक्षाबारे गृहमन्त्रीको चासो
आइतबार इजरायलस्थित नेपाली राजदुत कान्ता रिजाल र नेपालस्थित इजरायली राजदुत ह्यानन गदरलाई सम्पर्क गरी उनले प्यालेस्टाइनी लडाकु समूह हमास र इजरायली सेनाको लडाइँका कारण बढेको असुरक्षाप्रति चासो राखेको उनको सचिवालयले जनाएको छ।
काठमाडौं, असाेज २१ : उपप्रधानमन्त्री एवम् गृहमन्त्री नारायणकाजी श्रेष्ठले, इजरायलमा रहेका नेपालीहरूको सुरक्षा अवस्थाबारे जानकारी लिएका छन्।
आइतबार इजरायलस्थित नेपाली राजदुत कान्ता रिजाल र नेपालस्थित इजरायली राजदुत ह्यानन गदरलाई सम्पर्क गरी उनले प्यालेस्टाइनी लडाकु समूह हमास र इजरायली सेनाको लडाइँका कारण बढेको असुरक्षाप्रति चासो राखेको उनको सचिवालयले जनाएको छ।
गाजा क्षेत्रमा केही नेपाली घाइते र बन्धक भएको समाचार सार्वजनिक भएसँगै उनले उनीहरू र इजरायलमा रहेका सबै नेपालीको खानपान, बसोबास, उपचार र सुरक्षाबारे जानकारी लिएका थिए।
नेपाली राजदुत रिजालले घाइते एवम् युद्धक्षेत्रमा फसेका नेपालीको विवरण लिने तथा उपचार र उद्दारको पहल गर्ने काम भैरहेको बताए।
प्रकाशित मिति: १३:१३ बजे, आइतबार, असोज २१, २०८०
प्रतिक्रिया दिनुहोस्
थप समाचार
-1784031842.jpg)