चिकित्सकमाथि हातपात गरेको आरोपमा दुईजना पक्राउ
काठमाडौँ, असोज १४ : सिनामंगलस्थित काठमाडौँ मेडिकल कलेजमा कार्यरत डाक्टरमाथि हातपात गरेको आरोपमा दुई जना पक्राउ परेका छन्। गुल्मी घर भई चाबहिल बस्ने रुपक गौतम र सिनामंगल बस्ने सरोज गौतमलाई प्रहरीले नियन्त्रणमा लिएको हो।
सिनामंगलस्थित मेडिकल कलेजमा डाक्टर मनिष खड्कामाथि बिरामीका आफन्तले आइतबार हातपात गरेका थिए। बिरामीलाई चेकजाँच गर्ने क्रममा डाक्टर र बिरामी पक्षबिच विवाद भएको जनाइएको छ। डाक्टरमाथि आक्रमण भएसँगै अस्पतालका स्वास्थ्यकर्मीले सडकमा आएर प्रदर्शन सुरु गरेका थिए।
स्वास्थ्यकर्मीमाथि भइरहेको आक्रमणलाई नियन्त्रण तथा कारबाही गर्ने बारेमा सरकार र आन्दोलनरत चिकित्सकबिच ६ बुँदे सहमति भएको भोलिपल्टै चिकित्सकमाथि हातपात भएको छ।
प्रकाशित मिति: १५:४२ बजे, आइतबार, असोज १४, २०८०
प्रतिक्रिया दिनुहोस्
थप समाचार
