एमाले बागमती प्रदेश अधिवेशन : मतदात भोलि ८ बजेबाट

काठमाडौं, असाेज ११ : नेकपा एमाले बागमती प्रदेश कमिटीको नेतृत्व चयनका आज मतदान हुने भनिएको मतदान शुक्रबारका लागि सारिएको छ।

मतदान भोलि बिहान ८ बजेबाट सुरु हुने प्रमुख निर्वाचन अधिकृत डिल्ली मैनालीले जानकारी दिए। मतदानका लागि भोलि बिहान ८ बजेदेखि दिउँसो ३ बजेसम्मको समय तोकिएको छ।

अझै सहमतिको प्रयास जारी भएको भन्ने आग्रहका आधारमा भोलिसम्मको लागि मतदानको कार्यक्रम स्थगित गरेको उनले बताए। आज राति ९ बजे अन्तिम नामावली प्रकाशन गरिनेछ।

अध्यक्षमा उम्मेदवारी दिएका कैलाश ढुंगेल र कृष्णप्रसाद दाहाल अझै आफ्नो अडानबाट पछि नहटे पछि सहमतिको प्रयास सफल नभएको बताइको छ।