चीन भ्रमणलाई दुई देशबीचको आर्थिक साझेदारीलाई अझ प्रगाढ बनाउने अवसर रुपमा लिएको छु : प्रधानमन्त्री
‘दुई देशको निकटता र भौगोलिक निकटतामा जोडिएका धेरै सक्षम कारकहरू छन्, जसलाई पारस्परिक रूपमा लाभदायक सहयोग प्रवर्द्धन गर्न प्रयोग गर्न आवश्यक छ,’ उनले भने।
काठमाडौं, असोज ७ : प्रधानमन्त्री पुष्पकमल दाहालले आफ्नो चीन भ्रमण नेपाल र चीनबीचको आर्थिक साझेदारीलाई अझ प्रगाढ बनाउने अवसर रुपमा लिएको बताएका छन्।
आइतबार नेपाल उद्योग वाणिज्य महासंघ र चाइना काउन्सिल फर प्रोमोसन अफ इन्टरनेशनल ट्रेड (सीसीपीआईटी) को आयोजनामा भएको ‘नेपाल चीन विजनेस समिट’मा प्रधानमन्त्री दाहालले आफ्नो भ्रमणले दुई देशबीचको व्यापार–व्यवसाय सम्बन्ध र लगानी सम्बन्धलाई बलियो विश्वास व्यक्त गरे।
‘नेपाल र चीनबीचको आर्थिक साझेदारीलाई अझ प्रगाढ बनाउने हाम्रो प्रयासमा एउटा महत्वपूर्ण अवसरको रूपमा खडा भएको छ । यस प्रकारको संलग्नताले हाम्रा दुई देशबीचको व्यापार–व्यवसाय सम्बन्ध र लगानी सम्बन्धलाई बलियो बनाउन मार्ग प्रशस्त गर्ने निश्चित छ,’ प्रधानमन्त्री दाहालले भने, ‘प्रचुर जलस्रोत, महत्वपूर्ण जलविद्युत उत्पादन क्षमता, हाम्रो खाद्य सुरक्षा आवश्यकतालाई सम्बोधन गर्न सक्ने समृद्ध कृषि क्षेत्र, काठ र गैर–काठ उत्पादनले भरिपूर्ण वन, फस्टाउँदै गरेको पर्यटन उद्योग र बढ्दो आईसीटी क्षेत्र लगानीका आकर्षक क्षेत्रहरू हुन्। लगानीले उच्च प्रतिफल दिनेछ।’
सम्मेलनले उनले जनताको पारस्परिक हितको लागि उच्च र दिगो विकास हासिल गर्न दुई देशका निजी क्षेत्रहरूको बलियो सहकार्य निर्माणमा केन्द्रित हुनु पर्ने बताए। उनले भने, ‘यो शिखर सम्मेलन हाम्रा जनताको पारस्परिक हितको लागि उच्च र दिगो विकास हासिल गर्न दुई देशका निजी क्षेत्रहरूको बलियो सहकार्य निर्माणमा केन्द्रित हुनुपर्छ।’
निकट छिमेकीका रूपमा नेपालले चीनसँग पारस्परिक लाभका लागि आर्थिक साझेदारी बढाउन चाहनु स्वाभाविक भएको भन्दै प्रधानमन्त्री दाहालाको भनाई थियो । ‘दुई देशको निकटता र भौगोलिक निकटतामा जोडिएका धेरै सक्षम कारकहरू छन्, जसलाई पारस्परिक रूपमा लाभदायक सहयोग प्रवर्द्धन गर्न प्रयोग गर्न आवश्यक छ,’ उनले भने।
चीन नेपालको प्रत्यक्ष वैदेशिक लगानीको सबैभन्दा ठूलो स्रोत र दोस्रो ठूलो व्यापारिक साझेदार भएको पनि उनले बताए।
