डा. शेखरले डाकेको बैठकमा शर्मा र पौडेल अनुपस्थित  

काठमाडौं, भदौ २ : नेपाली कांग्रेसका महामन्त्री विश्वप्रकाश शर्मा र केन्द्रीय सदस्य प्रदीप पौडेल डा.शेखर कोइरालाले डाकेको बैठकमा जान अस्विकार गरेका छन्। बालुवाटारमा अहिले बैठक चलिरहेको छ । 

कांग्रेस नेता कोइरालाको सम्पर्क कार्यालय बालुवाटारमा मंगलबार दिउँसो हुने बैठकका लागि शर्मा र पौडेललाई पनि आमन्त्रण गरिएको थियो।

आगामी बिहीबार बस्ने कांग्रेस केन्द्रीय कार्यसमितिको बैठकमा रणनीति बनाउन बैठक डाकिएको थियो । बैठकमा महामन्त्री शर्मा र केन्द्रीय सदस्य पौडेल नपुगेको जनाइएको छ।