चलचित्रकाे नाम ‘एक भागवत र एक गीता’ राख्न दुवै पक्ष सहमत

काठमाडौं, भदाै २४ : प्रदर्शोन्मुख चलचित्र ‘एक भगवत गीता’ को नाम ‘एक भागवत र एक गीता’ राखिने भएकाे छ। ‘गीता एक प्रेमकथा’, ‘गीता भागवत’ जस्ता थुप्रै नाममा छलफल भएपछि अन्ततः ‘एक भागवत र एक गीता’ नाम राख्न दुवै पक्ष सहमत भएका हुन्।

नामलाई लिएर उत्पन्न विवाद चलचित्र विकास बोर्डसम्म पुगेकाे थियाे। बाेर्डमा आयोजित एक छलफलमा निर्माण पक्ष र धार्मिक समूहहरूबीच भएको छलफलपछि सहमति जुटेकाे हाे। सहमतिबारे औपचारिक घोषणा गर्न भने बाँकी छ।

निर्माता सुनीलकुमार थापाले भागवत र गीताको बीचमा ड्यास राख्न प्रस्ताव गरे पनि धार्मिक समूहले अस्वीकार गरेकाे याे। नामको मुन्तिर ‘सामाजिक कथा’ लेख्ने सहमति पनि भएकाे जनाइएकाे छ। चलचित्र विकास बोर्डले आजै चलचित्रलाई सेन्सर सिफारिस दिनेछ।