समाजवादी मोर्चाले तीन प्रदेशमा सन्देश सभा गर्ने
मोर्चाले भदौ २४ मा बागमती प्रदेश, भदौ २५ मा कोशी र भदौ २६ मा सुदूरपश्चिम प्रदेशमा सन्देश सभा गर्ने भएको छ।
काठमाडौं, भदौ २० : समाजवादी मोर्चा नेपालले तीनवटा प्रदेशमा प्रादेशिक सन्देश सभा गर्ने भएको छ। मोर्चाले बागमती, कोशी र सुदूरपश्चिम प्रदेशमा सन्देश सभा गर्न लागेको हो।
मोर्चाले भदौ २४ मा बागमती प्रदेश, भदौ २५ मा कोशी र भदौ २६ मा सुदूरपश्चिम प्रदेशमा सन्देश सभा गर्ने भएको छ। मोर्चाले यसअघि गण्डकी, मधेस, लुम्बिनी र कर्णालीमा प्रदेशस्तरीय सभा सम्पन्न गरिसकेको छ।
बागमतीको हेटौँडामा र सुदूरपश्चिमको धनगढीमा हुने सभाको संयोजन नेपाल कम्युनिष्ट पार्टी एकीकृत समाजवादीले गर्ने छ । कोशीको विराटनगरमा गरिने कार्यक्रमको संयोजन जनता समाजवादी पार्टीले गर्ने तालिका छ।
मोर्चामा नेकपा माओवादी केन्द्र, जनता समाजवादी पार्टी, नेकपा एकीकृत समाजवादी र नेपाल कम्युनिष्ट पार्टी आबद्ध छन्।
प्रकाशित मिति: १०:५६ बजे, बुधबार, भदौ २०, २०८०
प्रतिक्रिया दिनुहोस्
थप समाचार
