गोरखामा भेटिएको शंकास्पद वस्तु निष्क्रिय पारियो

गोरखा, भदौ १६ : गोरखा–आँबुखैरेनी सडकखण्डअन्तर्गत गोरखा नगरपालिका–८ स्थित कट्टेलचोकमा फेला परेको शंकास्पद वस्तु निष्क्रिय पारिएको छ ।

शनिबार बिहान करिब ५ बजे सडक छेउमा शंकास्पद वस्तु भेटिएको शंकास्पद वस्तु नेपाली सेनाको बम डिस्पोजल टोलीले निष्क्रिय पारेको छ।

कुकरभित्र सिसाका टुक्रा, बारुद र लाइटर भेटिएको नेपाली सेनाले जनाएको छ। सो स्थानमा हसिया हतौडा अंकित झन्डा पनि भेटिएको थियो।

गोरखा आबुखैरेनी सडक खण्डमा राखिएको उक्त शंकास्पद वस्तुका कारण बिहानैदेखि यातायात आवागमनसमेत बन्द भएको थियो।