लुम्बिनी बौद्ध विश्वविद्यालयको उपकुलपतिमा डा. बज्राचार्य नियुक्त

काठमाडौं, भदौ १३ : लुम्बिनी बौद्ध विश्वविद्यालयको उपकुलपतिमा प्रा.डा. सुवर्णलाल बज्राचार्य नियुक्त भएका छन्। 

सिफारिस समितिको सिफारिसका आधारमा विश्वविद्यालयका कुलपति एवं प्रधानमन्त्री पुष्पकमल दाहाल ‘प्रचण्ड’ ले आज उनलाई नियुक्त गरेका हुन्।

उक्त पद विगत छ महिनादेखि रिक्त थियो। प्रा.डा. बज्राचार्य त्रिभुवन विश्वविद्यालयबाट अवकाशप्राप्त प्राध्यापक हुन्।