‘भोटका लागि जातीयता मलजल गर्ने काम भइरहेको छ’

काठमाडौं, साउन २४ : राष्ट्रिय प्रजातन्त्र पार्टीका अध्यक्ष राजेन्द्र लिङ्देनले राजनीतिक दलहरुले भोटको लागि जातीयता मलजल गर्ने गरेको आरोप लगाएका छन्।

अन्तर्राष्ट्रिय आदिवासी जनजाती दिवसको अवसरमा काठमाडौंमा आयोजित कार्यक्रममा उनले केही राजनीतिक दल र अन्र्राष्ट्रिय शक्तिहरुले नेपालमा भोटको लागि र द्वन्द्व निम्त्याउन जातीय द्वन्द्वलाई मलजल गर्ने काम गरीरहेका आरोप लगाएका हुन्।

‘केही राजनीतिक दल, केही व्यक्ति र केही अन्तर्राष्ट्रिय शक्तिहरु नेपालमा भोटको लागि होस् अथवा द्वन्द्व स्थापनाका लागि होस्, जातीय द्वन्द्वलाई मलजल गर्ने काम गरिरहेका छन्,’ उनले भने।

उनले एकजना पूर्वप्रधानमन्त्रीले काठमाडौंका नेवारहरुले र गुठीहरुले प्राप्त गर्दै आएका पूजाआजाको सूविधासम्म खोस्ने काम गरेको आरोप लगाए ।

‘एकजना पूर्वप्रधानमन्त्रीले नेपालका आदिवासी जनजातिको पक्षमा लेख्नुहुन्छ, बोल्नुहुन्छ । तर जब प्रधानमन्त्री बन्नु भयो काठमाडौंका नेवारहरुले यहाँका गुठीहरुले प्राप्त गर्दै आएका पूजाआजाको सूविधासम्म खास्ने काम गर्नुभयो,’ उनले भने ।