आइओसीले पठायाे नयाँ मूल्यसूची, पेट्रोलकाे मूल्य घटेर आयाे, डिजेलको बढेर आयाे

काठमाडौं, असार ३१ : इन्डियन आयल कर्पोरेसन (आइओसी) ले डिजेल र पेट्रोलको नयाँ मूल्यसूची पठाएको छ।

नेपाल आयल निगमलाई पठाइएको नयाँ मूल्यसूची अनुसार पेट्रोलको मूल्य प्रतिलिटर ३४ पैसा घटेर आएको छ भने डिजेलको मूल्य दुई रुपैयाँ ४७ पैसा बढेर आएको छ।

आइओसीले महिनामा दुईपटक नयाँ मूल्यसूची निगमलाई पठाउने गरेको छ।

प्रत्येक १६ तारिखमा पेट्रोल र डिजेलको मूल्यसूची पठाउँछ भने १ तारिखमा हवाई इन्धन, पेट्रोल, डिजेल, मट्टीतेल र ग्यासको मूल्यसूची पठाउने गरेको छ।