चट्याङ लागेर एकको मृत्यु

डोटी, असार २८ : डोटीमा चट्याङ लागेर एक जनाको मृत्यु भएको छ। बडिकेदार गाउँपालिका–५ दुदीलागाउँमा चट्याङ लाग्दा स्थानीय ६६ वर्षीय हर्कबहादुर बोहराको मृत्यु भएको प्रहरी चौकी खड्यौलीका ईन्चार्ज भष्करदत्त पन्तले जानकारी दिए। 

आज दिउँसो २ बजेतिर घरको ढोका लगाउने क्रममा चट्याङ लाग्दा बोहराको मृत्यु भएको निजका छोरा सुरेश बोहराले जानकारी दिए। चट्याङका कारण सोही गाउँका डम्मरसिंह बोहराका ६ वटा बाख्रा मरेका छन्।