नारायणगढ–मुग्लिन सडकको पहिरो सफा गर्न समय लाग्ने

चितवन, असार १७ : नारायणगढ–मुग्लिन सडक खण्डमा खसेको पहिरो पन्छाउन अझै समय लाग्ने भएको छ । इच्छाकामना गाउँपालिका–५ तीन नम्बर पुलमा गए राति पहिरो खसेको हो।

डिभिजन सडक कार्यालय चितवनका प्रमुख रमेशकुमार पौडेलले थप पहिरो नखसे केही घण्टापछि सडक खसलाउन सकिने बताए। पहिरोको एउटा ढिस्को नै झरेकाले पन्छाउन समय लागेको उनको भनाइ छ। अर्को ढिस्को पनि खस्ने अवस्थामा रहेको उनले बताए।

सो स्थानमा बिहानैदेखि पहिरो पन्छाउने काम भइरहेको छ  छिनछिनमा पहिरो खस्दा यातायात अवरुद्ध हुँदैआएको छ।