काठमाडौँ उपत्यकामा आज सार्वजनिक विदा

काठमाडौं, जेठ ११ : आज काठमाडौँ उपत्यकामा सार्वजनिक विदा दिइएको छ ।

गृह मन्त्रालयले आज एक सूचना जारी गर्दै रातो मत्स्येन्द्रनाथको भोटो देखाउने जात्राको अवसरमा काठमाडौँ उपत्यकाका तीन जिल्लाहरू काठमाडौँ, ललितपुर र भक्तपुरमा मा सार्वजनिक विदा दिइएको हो ।

मन्त्रालयद्धारा सूचनामा भनिएको छ, विसं २०८० साल जेष्ठ ११ गते बिहीबारका दिन रातो मत्स्येन्द्रनाथको भोटो देखाउने जात्राको अवसरमा काठमाडौँ उपत्यकाका ३ (तीन) जिल्लाहरूमा सार्वजनिक विदा दिने निर्णय भएको हुँदा सम्बन्धित सबैको जानकारीको लागि यो सूचना प्रकाशित गरिएको छ ।’