पत्रकारद्वय वाग्ले र बस्नेत तनहुँमा सम्मानित

तनहुँ, जेठ ६ : पत्रकारद्वय कुलचन्द्र वाग्ले र सूर्यचन्द्र बस्नेत गृह जिल्ला तनहुँमा सम्मानित भएका छन्। राष्ट्रिय समाचार समिति (रासस)का पूर्वअध्यक्ष वाग्ले र कार्यकारी सम्पादक बस्नेतलाई नेपाल प्रेस युनियन तनहुँ शाखाले सम्मान गरेको हो।

वाग्लेलाई ‘बलराम बानियाँ स्मृति पत्रकारिता पुरस्कार’ प्रदान गरियो भने यस्तै, बस्नेतलाई ‘नरहरि खनाल स्मृति पत्रकारिता पुरस्कार’ प्रदान गरिएको छ । दुवै पुरस्कारको राशि पनि १० हजार रुपैयाँ थियो।

यस्तै गेगनाथ नहर्की स्मृति पत्रकारिता पुरस्कार नेपाल प्रेस युनियन तनहुँका पूर्वअध्यक्ष डम्बरबहादुर अधिकारीलाई प्रदान गरिएको छ। पुरस्कारको राशि रु १० हजार रहेको छ ।

गण्डकी प्रदेशका आर्थिक मामिलामन्त्री जीतप्रकाश आलेमगरले उहाँहरुलाई उक्त पुरस्कार प्रदान गर्नुभयो । अधिवेशनले युनियनको नयाँ नेतृत्व चयन गर्ने अध्यक्ष अमरराज नहर्कीले जानकारी दिए।