अर्थविद् विश्व पौडेल अर्थमन्त्रीको आर्थिक सल्लाहकार

काठमाडौं, वैशाख ७ : अर्थविद् विश्व पौडेल अर्थमन्त्री डा.प्रकाशशरण महतको आर्थिक सल्लाहकारमा नियुक्त भएका छन्।  

पौडेल राष्ट्रिय योजना आयोगको पूर्व उपाध्यक्ष हुन्। पौडेललाई अर्थ मन्त्रीको प्रमुख सल्लाहकारमा नियुक्त गरिएको छ।

उनी गत मंसिर ४ मा सम्पन्न प्रतिनिधि सभा निर्वाचनमा चितवन– १ बाट नेपाली कांग्रेसका उम्मेदवार समेत थिए।

आगामी आर्थिक वर्षको बजेट निर्माण तयारी भइरहँदा पौडेलको अर्थ मन्त्रालय प्रवेशलाई अर्थपूर्ण रुपमा हेरिएको छ।