नुवाकोटमा सिलिण्डर पड्किएर आगलागी, साढे तीन लाख बराबरको क्षति
बेलकोटगढी नगरपालिका ८ पाँचखलेस्थित विश्वनाथ पुडासैनीको घरमा ग्यासको सिलिण्डर पड्किएर आगलागी भएको छ।
नुवाकोट, फागुन १५ : बेलकोटगढी नगरपालिका ८ पाँचखलेस्थित विश्वनाथ पुडासैनीको घरमा ग्यासको सिलिण्डर पड्किएर आगलागी भएको छ। सो आगलातीमा हुँदा साढे तीन लाख रुपैयाँ बराबरको क्षति भएको बताइएको छ।
आगलागीमा परी अन्नपात, भाँडाकुँडा, लत्ताकपडा जलेको प्रहरीले जनाएको छ।
जिल्ला विपद् व्यवस्थापन समितिका अध्यक्ष किरण थापाले आगलागी पीडितलाई स्थानीय प्रशासन र नेपाल रेडक्रस सोसाइटीको संयुक्त रुपमा आवश्यकीय सहयोग र सामग्री प्रदान गरेका थिए ।
ढुंगा, माटोले बनेको र जस्ताले छाएको घर आगलागीमा परेर घर पूर्णरुपमा जलेको छ । बिदुर नगरपालिकाको दमकल र स्थानीयको सहयोगमा आगो नियन्त्रणमा लिइएको थियो।
प्रकाशित मिति: २०:५२ बजे, सोमबार, फागुन १५, २०७९
प्रतिक्रिया दिनुहोस्
थप समाचार
