अन्धोपनामुक्त नगरका लागि पुतलीबजारको सक्रियता, निःशुल्क मोतिबिन्दु शल्यक्रिया शिविर सम्पन्न 

स्याङ्जा, मंसिर ८ : स्याङ्जाको पुतलीबजार नगरपालिकामा तीन दिने बृहत निःशुल्क मोतिबिन्दु शल्यक्रिया तथा स्वास्थ्य शिविर सम्पन्न भएको छ । 

पुतलीबजार नगरपालिकाको आयोजना तथा हिमालयन आखा अस्पताल पोखरा, एनआरएन यूके, नेत्रज्योती संघको संयुक्त पहलमा आयोजित निशुल्क आँखा शिविरमा मोतियाबिन्दु देखिएका मध्ये एक सय वढीको शल्यक्रिया गर्दै शिविर सकिएको हो । 

मोतियाबिन्दुबाट हुने अन्धोपना मुक्त नगरपालिका अभियान–२०७९ अन्तर्गत पुतलीबजार नगरपालिकाले देशभरमै पहिलोपटक तीन दिने बृहत् निःशुल्क मोतिबिन्दु शल्यक्रिया तथा स्वास्थ्य शिविर शुरु गरेको थियो ।  

यसअघि नगरपालिकाको आयोजना तथा हिमालयन आँखा अस्पताल लगायतका संस्थाहरुको सहयोगमा करिब दुई हप्तासम्म सञ्चालन गरेको निः शुल्क आँखा शिविरमा करिब ३ हजार ९२८ जनाको आँखा परिक्षण गरिएको थियो । ती मध्ये मोतिबिन्दु देखिएकाहरुको शल्यक्रिया गर्नका लागि थप तीन दिने शिविरको आयोजना गरेको थियो । 

शिविरमा करिब ९ सय जनालाई निःशुल्क चश्मा समेत वितरण गरिएको थियो।