पुस २८ भित्र मधेश प्रदेशको मुख्यमन्त्रीमा दाबी गर्न आह्वान 

 मधेश प्रदेश प्रमुख हरिशंकर मिश्रले सरकार गठनको आह्वान गरेका छन् । 
पुस २८ भित्र मधेश प्रदेशको मुख्यमन्त्रीमा दाबी गर्न आह्वान 

काठमाडौं, पुस २२ : मधेश प्रदेश प्रमुख हरिशंकर मिश्रले सरकार गठनको आह्वान गरेका छन् । 

प्रदेश प्रमुखको कार्यालयले शुक्रबार जारी गरेको विज्ञप्ति अनुसार मिश्रले दलहरुलाई पुस २८ गतेसम्मको समय दिएर सरकार गठनको आह्वान गरेका हुन् ।

मधेश प्रदेशसभामा कुनै दलको बहुमत नभएकाले प्रदेश प्रमुख मिश्रले दुई वा दुई भन्दा बढी दलको समर्थनमा बहुमत प्राप्त प्रदेशसभा सदस्यलाई मुख्यमन्त्रीमा दावी पेश गर्न आह्वान गरेका हुन् ।

१०७ सदस्‍यीय मधेश प्रदेशसभामा नेकपा एमाले २३, नेपाली कांग्रेस २२, जसपा १६, जनमत १३, लोसपा र माओवादी केन्द्र ९/९, एकीकृत समाजवादी ७, नागरिक उन्मुक्ति पार्टी, राप्रपा र नेपाल संघीय समाजवादी १/१ र पाँच स्वतन्त्र सांसद छन् ।


 

प्रकाशित मिति: १५:०८ बजे, शुक्रबार, पुस २२, २०७९
प्रतिक्रिया दिनुहोस्