२ सय रुपैयाँले बढ्यो सुनको मूल्य, तोलाको कति ? 

काठमाडौं, पुस २१ : सुनचाँदी बजारमा बिहीबार छापावाल सुनको मूल्य प्रतितोला एक लाख तीन हजार एक सय कायम भएको छ। 

अघिल्लो दिन प्रतितोला एक लाख दुई हजार ९ सयमा कारोबार भएको सुनको मूल्य आज प्रतितोला दुई सय रुपैयाँले बढेको हो। 

नेपाल सुनचाँदी व्यवसायी महासङ्घले सार्वजनिक गरेको विवरण अनुसार आज तेजाबी सुनको मूल्य प्रतितोला एक लाख दुई हजार छ सय छ। यसको मूल्य अघिल्लो दिन एक लाख दुई हजार चार सय थियो।