विवाह समारोहमा कुटाकुट हुँदा पर्सामा एक युवकको मृत्यु

वीगन्ज, पुस ६ : पर्साको जगरनाथपुरमा एक विवाह समारोहमा कुटाकुट हुँदा एक युवकको मृत्यु भएको छ।

मृत्यु हुनेमा जगरनाथपुर गाउँपालिका–३ ठेकरिया बड्गु टोल बस्ने ३६ वर्षीय सैमुल्लाह राउत गद्दी रहेको प्रहरीले जनाएको छ।

प्रहरीका अनुसार गम्भीर घाइते सैमुल्लाहलाई आज बिहान घरबाट अस्पताल लगएिको थियो।  वीरगन्जस्थित नारायणी अस्पतालमा पुर्‍याइए पनि चिकित्सकले उनको मृत्यु भएको घोषणा गरेका थिए।

स्थानीय सहरूम राउत गद्दीका छोरा २२ वर्षीय साबिर राउत गद्दीको विवाहमा सैमुल्लाहमाथि कुटपिट भएको प्रहरीले जनाएको छ। मंगलबार राति ११ बजेतिर नाचगान गर्ने विषयमा विवाद भएपछि दुलाहा साबिर, काका जादुल राउत गद्दीलगायतले सैमुल्लाहलाई कुटपिट गरेको स्थानीयले बताएका छन्।

सैमुल्लाहको शव नारायणी अस्पतालमा पोष्टमार्टमपछि आफन्तको जिम्मा लगाइएको प्रहरीले जनाएको छ। घटनाबारे थप अनुसन्धान भइरहेको जिल्ला प्रहरी कार्यालय पर्साले जनाएको छ।