टोटेनहमविरुद्ध चेल्सीको सहज जित

काठमाडौं, पुस ७ : इंग्लिस प्रिमियर लिग फुटबल अन्तर्गत गए राति भएको खेलमा चेल्सीले सहज जित निकालेको छ ।

चेल्सीले घरेलु टोली टोटेनहमविरुद्ध २/० गोल अन्तरको जित हासिल गरेको हो । १० खेलाडीमा सिमित घरेलु टोलीमाथि चेल्सीले दुवै गोल पहिलो हाफमा गरेको थियो ।

खेलको १२ औं मिनेटमा विलियमले गोल गर्दै चेल्सीलाई अग्रता दिलाए ।

त्यसपछि खेलको ४५ औं मिनेटमा विलियमले पेनाल्टीमा दोस्रो गोल गोल गर्दै चेल्सीलाई २–० को जित दिलाए ।

खेलको ६२ औं मिनेटमा सन ह्युङ मिनले रातो कार्ड पाउँदा घरेलु टोली १० खेलाडीमा समेटिएको थियो ।