पाकिस्तान टि–२० विश्वकपको फाइनलमा
बुधबार सिड्नीमा भएको पहिलो सेमिफाइनमा न्युजिल्यानडमाथि ७ विकेटको जित निकाल्दै पाकिस्तान फाइनल प्रवेश गरेको हो।
काठमाडौं, कात्तिक २३ : पाकिस्तान अस्ट्रेलियामा जारी टि–२० विश्वकपको फाइनलमा प्रवेश गरेको छ।
बुधबार सिड्नीमा भएको पहिलो सेमिफाइनमा न्युजिल्यानडमाथि ७ विकेटको जित निकाल्दै पाकिस्तान फाइनल प्रवेश गरेको हो।
पाकिस्तान तेस्रो पटक टि–२० विश्वकपको फाइलन प्रवेश गरेको हो । यसअघि सुरुआती २ विश्वकपमा पनि फाइनलमा पुगेको थियो ।
सन् २००७ मा भएको पहिलो विश्वकपमा फाइनलमा भारतसँग पराजित भएको पाकिस्तानले सन् २००९ मा भएको दोस्रो टि–२० विश्वकपमा श्रीलंकालाई हराउँदै उपाधि जितेको थियो ।
अब उसले दोस्रो पटक टि–२० विश्वकपको च्याम्पियन बन्नका लागि भारत र इंग्ल्यान्डबीचको विजेतासँग खेल्ने छ। भारत र इंग्ल्यान्डबीचको खेल बिहीबार एडिलेडमा हुने छ।
ओपनरद्वय बाबर अजाम र मोहम्मद रिजवानले शतकीय साझेदरी गरेपछि पाकिस्तानले १५३ रनको लक्ष्य १९.१ ओभरमा ३ विकेट गुमाउँदै भेट्टायो। खेलमा दुवैले अर्धशकीय योगदान दिए।
रिजवानले सर्वाधिक ५३ रन बनाउँदा अजामले ५३ रन बनाए । रिजवानले ४३ बलमा ५ चौका प्रहार गर्दा अजामले ४२ बलमा ७ चौका प्रहार गरे। यस्तै, मोहम्मद हरिसले २६ बलमा २ चौक र १ छक्का प्रहार गर्दै ३० रन बनाए।
न्युजिल्यान्डका ट्रेन्ट बोल्टले २ तथा मिचेल सान्टनरले १ विकेट लिए।
त्यसअघि पहिला ब्याटिङ गरेको न्युजिल्यान्डले राम्रो सुरुआत गर्न सकेन । पावर प्लेमै २ विकेट गुमाएको न्युजिल्यान्डका लागि डार्यल मिचेल सर्वाधिक ५३ रन बनाए। टिमलाई सम्मानजक अवस्थामा ल्याउन उनले ३५ बलमा ३ चौका र १ छक्का प्रहार गरे।
यस्तै, कप्तान केन विलियम्सनले ४२ बलमा ४६ रन बनाउँदा डेभन कन्वेले २१ र जेम्स निसमले १६ रन बनाए।
