सावित्रा र अनिताको गोलमा नेपालको सानदार जित 

काठमाडौं, भदौ २१ :  छैटाैं संस्करणकाे महिला साफ च्याम्पियनसिप फुटबलमा नेपालले सानदार जित निकालेकाे छ।  मंगलबार दशरथ रंगशालामा भएकाे प्रतियाेगिताकाे उद्घाटन खेलमा नेपालले भुटानमाथि ४-०काे जित निकाल्याे।

नेपालकाे सनदार जितमा सावित्रा भण्डारी र अनिता बस्नेतले समान २ गाेल गरे। नेपालले पहिलाे हाफमा १ र दाेस्रे हाफमा ३ गाेल गरेकाे थियाे।

१२औं मिनेटमा सावित्राले गाेल गर्दै नेपाललाई सुरूवाती अग्रता दिलाइन् । पहिलाे हाफ १-०मै सकियाे।

६७औं मिनेटमा सावित्राले नै नेपालकाे अग्रता दोब्बर बनाइन् । त्यसपछि ७३ र ८४औं मिनेटमा अनिताले गोल गरेपछि नेपालले भुटानमाथि ४–० को फराकिलो जित निकाल्याे।

प्रतियाेगितामा नेपाललसहित भारत, बंगलादेश, श्रीलंका, पाकिस्तान, माल्दिभ्स र भुटान सहभागी छन् । समूहको बीमा रहेको नेपालले समूह चरणको अन्तिम खेल भदौ २८ गते श्रीलंकासँग खेल्नेछ।

प्रतियाेगिताअन्तर्गत बुधबार भारत र पाकिस्तान तथा बंगलादेश र माल्दिभ्स भिड्ने छन्।