आईसीसीले हटायो क्यानमाथिको ‘कन्ट्रोल फन्डिङ’
क्यानले मंगलबार एक विज्ञप्तिमार्फत आर्थिक पारदर्शितामा गरेको कार्यसम्पादनको मूल्यांकनको आधारमा आईसीसीले कन्ट्रोल फन्डिङ पूर्ण रूपमा हटाएको जनाएको हो ।
काठमाडौं, जेठ ३१ : अन्तर्राष्ट्रिय क्रिकेट परिषद् (आईसीसी) ले नेपाल क्रिकेट संघ (क्यान) माथिको ‘कन्ट्रोल फन्डिङ’ फुकुवा गरेको छ ।
क्यानले मंगलबार एक विज्ञप्तिमार्फत आर्थिक पारदर्शितामा गरेको कार्यसम्पादनको मूल्यांकनको आधारमा आईसीसीले कन्ट्रोल फन्डिङ पूर्ण रूपमा हटाएको जनाएको हो ।
‘कन्ट्रोल फन्डिङ’ फुकुवासँगै नेपालले आईसीसीबाट अन्य एकदिवसीय मान्यता प्राप्त राष्ट्र सरहको आर्थिक अनुदान र गतिविधि गर्न पाउने पनि क्यानले स्पष्ट पारेको छ ।
०७६ साल असोज ११ र १२ गतेको विशेष साधारणसभाबाट नयाँ निर्वाचित कार्यसमिति आएपछि आईसीसीले क्यानमाथिको निलम्बन फुकुवा गरेको भएपनि ‘कन्ट्रोल फन्डिङ’ फुकुवा भएको थिएन ।
प्रकाशित मिति: १८:५६ बजे, मंगलबार, जेठ ३१, २०७९
प्रतिक्रिया दिनुहोस्
थप समाचार
