काठमाडौं महानगरपालिकाका नवनिर्वाचित जनप्रतिनिधिले लिए शपथ 

काठमाडौं, जेठ १६ : काठमाडौं  महानगरपालिकाका नवनिर्वाचित जनप्रतिनिधिले पद तथा गोपनीयताको शपथ लिएका छन् । सोमबार राष्ट्रिय सभागृहमा आयोजित शपथ ग्रहण तथा प्रमाणपत्र वितरण कार्यक्रममा महानगरका नवनिर्वाचित जनप्रतिनिधिहरुले सपथ लिएका हुन्।

महानगरका प्रमुख बालेन शाहले नेपाली र नेपाल दुबै भाषमा सपथ लिए । उनलाई मुख्य निर्वाचन अधिकृत राजुकुमार खतिवडाले शपथ ग्रहण गराएका हुन्। उनले नेपाली भाषामा सपथ लिइसकेपछि नेपाल भाषामा पनि शपथ लिएका थिए। 

नवनिर्वाचित उपप्रमुख सुनिता डंगोलले भने नेपाल भाषमा सपथ लिएकी छन् । उनलाई महानगरप्रमुख बालेन शाहले सपथ ग्रहण गराए । उपप्रमुखको शपथ ग्रहणपछि बालेनले नवनिर्वाचित वडाध्यक्ष र वडा सदस्यहरुलाई शपथ ग्रहण गराएका थिए।

शपथ ग्रहण तथा प्रमाणपत्र वितरण कार्यलगत्तै आजै जनप्रतिनिधिहरुले पदभार ग्रहण गर्ने कार्यक्रम छ।