टुँडिखेलमा प्रजातन्त्र दिवसको रौनक (फोटो फिचर)

काठमाडाैं, फागुन ७ : आज फागुन ७ अर्थात प्रजातन्त्र दिवस । प्रत्येक वर्ष प्रजातन्त्र दिवसमा नेपाली सेनाले टुँडिखेलमा विषयमा कार्यक्रम आयोजना गर्छ । आज पनि नेपाली सेनाले टुँडिखेलमा विशेष कार्यक्रम आयोजना गरिरहेको छ।

कार्यक्रममा सहभागी हुन विशिष्ठ व्यक्तिहरुको घुइँचो टुँडिखेलमा लागेको छ। कार्यक्रममा राष्ट्रपति विद्यादेवी भण्डारी, उपराष्ट्र नन्दबहादुर पुन, प्रधानमन्त्री, शेरबहादुर देउवा, सभामुख अग्नी सापकोटालगायतका विशिष्ठ व्यक्तिहरु उपस्थित छन्।

समारोहलाई उत्सवमय तुल्याउन नेपाली सेनाले राष्ट्रिय प्रजातन्त्र दिवस, २०७८ व्यानर अङ्कित दुई वटा हेलिकोप्टरबाट पृष्पवृष्टि गराएको थियो भने मैदानबाट शान्तिका दूत परेवा र रङ्गीचङ्गी बेलुन उडाइएको थियो । कार्यक्रममा नेपाली सेना, नेपाल प्रहरी र सशस्त्र प्रहरी बलबाट मार्चपासका साथै ‘यो नेपाली शीर उचाली...’सहित देशप्रेमले भरिपूर्ण कालजयी राष्ट्रिय गीतका धून र व्याण्ड प्रस्तुत गरिएको थियो ।