महाधिवेशन प्रतिनिधिहरु मतदान गर्न लामवद्ध (तस्बिरहरु)

काठमाडौं, मंसिर २७ : नेपाली कांग्रेसको जारी महाधिवेशन अन्तर्गत आज नेतृत्व चयनका लागि मतदान हुँदैछ। बिहान ८ बजेदेखि मतदान शुरु हुने भनिएपनि तयारीका कारण केही ढिला भएको छ। 

मतदान केही बेरमा शुरु हुँदैछ । देशभरबाट आएका ४ हजार ७ सय ४३  महाधिवेशन प्रतिनिधिहरु  मतदानका लागि लाइन बस्ने क्रम शुरु भएको छ। 

मतदानका लागि भृकुटीमण्ड प्राङ्गण, हल, र राष्ट्रिय सभागृहमा छुट्टाछुट्टै मतदान केन्द्र बनाइएको छ।  सभागृहमा २९३, भृकुटीमण्डप प्रांगणमा २९३ बुथ र भृकुटीमण्डपको हलमा ५१४ बुथ राखिएको कांग्रेस केन्द्रीय निर्वाचन समितिले जनाएको छ। 

लाइन बसेका प्रतिनिधिहरुसँग उम्मेदवारहरुले भोट मागिरहेका छन्। जारी महाधिवेशनबाट १३ पदाधिकारी र १२१ केन्द्रीय सदस्य निर्वाचित हुनेछन्। 

े