पशुपतिको छठघाटमा पुगिन् राष्ट्रपति (फोटो फिचर)

काठमाडौं, कात्तिक २४ : राष्ट्रपति विद्यादेवी भण्डारीले बुधबार अपराह्न पशुपतिनाथ मन्दिरनजिक छठघाट पुगेर छठी माताको पूजा अर्चना गरेकी छन् ।

वागमती नदी किनारमा बनाइएको छठघाटमा पुगेर उनले श्रद्धालुमाझ पूजा आराधना गरेकी हुन् ।

छठपर्वको मुख्य दिन बुधबार साँझ अस्ताउँदो सूर्यलाई पूजा आराधना गरी अघ्र्य दिइएको छ । कात्तिक शूक्ल चतुर्थीदेखि सप्तमीसम्म मनाइने छठ पर्व बिहीबार बिहान उदाउँदो सूर्यलाई अघ्र्य दिएपछि सम्पन्न हुनेछ ।

तराई मधेशसहित काठमाडौंलगायत पहाडी भेगमा पनि छठ पर्व भव्यताका साथ मनाइँदैछ । देशभर हर्षोल्लाससहित छठ मनाउन सरकारले बुधबार सार्वजनिक विदा नै दिएको थियो ।