फूलको झिलिमिली (फोटो फिचर)

काठमाडौं, कात्तिक १८ : दीपावलीको माहोलमा काठमाडौं सहर र सडक यतिबेला झिलिमिली छन् ।

सडक किनारामा फूल खरिद–बिक्रीको लहर नै छ । साँझपख घर–घरमा सजाइएका बत्तिले झिलीमिली देखिने काठमाडौं उपत्यकाका सडक किनारा दिउँसो बिक्रीमा राखिएका थरिथरिका फूलले सजिएको छ ।

बिहीबार लक्ष्मीपूजा, बिहानैदेखि फूल खरिद गर्नेहरू सडकमा निस्केका छन् । यो लहर शुक्रबार पनि जारी रहने छ ।

न्युरोड, असनलगायत अत्यधिक व्यापार हुने काठमाडौंका मुख्य केन्द्रहरूमा व्यापारी र ग्राहकको भिडभाड छ । कोरोना प्रसार कम हुँदै गएको मेसोमा मानिस निर्धक्क तिहारका सामान खरिद गर्न निस्किरहेका छन् ।

तिहारमा खासगरी सयपत्री फूलको प्रयोग बढी हुन्छ । त्यसपछि आउँछन्, मखमली, गोदाबारीलगायत फूल । घर सजाउनदेखि पूजा गर्नसम्म सयपत्रीको माला बनाइन्छ । तिहारमा सयपत्रीको व्यापारबाट किसान पनि लाभान्वित हुने गर्छन् ।