विद्युतीय अपराधको नियन्त्रणका लागि अनलाइन टीभी पत्रकार संघद्वारा गृहमन्त्री खाणको ध्यानाकर्षण 

काठमाडौं, कात्तिक ९ : अनलाइन टीभी पत्रकार संघ नेपालले विद्युतीय अपराध दिनप्रतिदिन वढिरहेको अवस्थामा न्यूनीकरण गर्नका लागि गर्नुपर्ने कार्यहरुका बिषयमा गृह मन्त्रालयको ध्यानाकर्षण गराएको छ ।

संघका अध्यक्ष जीवन भण्डारीको नेतृत्वमा गएको टिमले आज गृह मन्त्री वालकृष्ण खाणलाई भेटी ध्यानाकर्षण पत्र बुझाएको हो ।

संघले प्रहरीले इन्टरनेटका माध्यममा भइरहेका पत्रकारिता र गैह्र पत्रकारिता छुट्याउनु पर्ने, सवैलाई एकै तरिकाले हेर्न नहुने, नियोजित रुपमा प्रहरीले दुःख दिने, झुटा मुद्धा लगाउने कार्य तत्काल बन्द गर्नुपर्ने,  विद्युतीय कारोवार ऐनको धारा-४७ को दुरुपयोग तत्काल रोक्नु पर्ने, राज्यबाट दिइने सहुलियत, अवसर र पहुँचमा अनलाइन टीभी कर्मीहरुलाई पनि समानता हुनुपर्ने लगायतका कार्य तत्काल गर्नुपर्ने लगायतका बिषयबस्तु ध्यानाकर्षण पत्रमा उल्लेख छन् ।  

यस्तै, संघले इन्टरनेटको माध्यमबाट नेपालमा भइरहेका पत्रकारिताको अभ्यासलाई व्यवस्थीत गर्न गरिरहेको प्रयासका बारेमा जानकारी समेत गराएको छ ।