तलेजु भवानी मन्दिर खुला (फोटो फिचर)

काठमाडौं, असोज २८ : हनुमानढोका दरबारस्थित तलेजु भवानी मन्दिर आज भक्तजनका लागि खुला गरिएको छ ।

यो मन्दिर महानवमीका दिन वर्षमा एकपटक मात्र खोल्ने गरिन्छ । गत वर्ष कोभिड–१९ महामारीका कारण महानवमीमा पनि मन्दिर खोलिएको थिएन ।

हनुमानढोका दरबार हेरचाह अड्डाका अनुसार यस वर्ष भक्तजनका लागि समेत मन्दिर खोलिएको हो ।

भक्तजनको घुइँचो व्यवस्थापनका लागि भौतिक दूरी अनिवार्य गरिएको छ । अन्य स्वास्थ्य मापदण्डको पालनामा कडाइ गरिने अड्डाले जनाएको छ ।