सी डिभिजन लिग छनोट सुरु (तस्बिरहरू)

काठमाडौं, भदौ १० : सी डिभिजन लिग छनोट प्रतियोगिता आजबाट एन्फा कम्प्लेक्स सातदोबाटोमा सुरु भएको छ। ७८ क्लब सहभागी छनोटको उद्घाटन खेलमा सतासीधाम स्पोर्टिङ क्लब र च्याम्पियन्स बोइज एफसीले बराबरी खेलेका छन्।

बिहीबार भएको खेलमा सातासीधाम र च्याम्पियन क्लबले २-२ को बराबरी खेले। खेलमा सातासीधामका लागि मनिस लिम्बु र मिलन परियारले गरेका थिए भने च्याम्पियन्स बोइजका लागि राजन मगर र खेयराज राईले गोल गरे।

प्रतियोगिता असोज २३ सम्म संचालन हुनेछ। सहभागी ७८ टिमलाई २६ समूहमा विजभाजन गरिएको छ। प्रत्येक समूहका शीर्ष टिम दोस्रो चरणमा प्रवेश गर्ने छन्। दोस्रो चरण पुगेको २६ टिमलाई तीन समूहमा विभाजन गरिने छ। समूहका शीर्ष तीन टिम सी डिभिजन लिगका लागि छनोट हुने छन्।

सी डिभिजन लिग उद्घाटन कार्यक्रममा राखेप सदस्य सचिव रमेश सिलवाल, एन्फा अध्यक्ष कर्माछिरिङ शेर्पालगायत उपस्थित थिए।