बाजागाजासहित भित्र्याइयो काष्ठमण्डपमा गजुरको मुख्य भाग (फोटो फिचर)

काठमाडौं, साउन १४ : काष्ठमण्डप (मरु सत्तल)को नयाँ गजुरको मुख्य भागको बिहीबार प्राण प्रतिष्ठा गरिएको छ ।

श्रावण कृष्ण चतुर्दशीको दिन पारेर गजुरको मुख्यभाग प्राण प्रतिस्थापनसहित भित्र्याइएको हो ।

१२ वैशाख ०७२ को भूकम्पबाट पूर्ण रूपमा क्षतिग्रस्त भएको काष्ठमण्डप पुनर्निर्माण जारी छ । स्थानीय केशव बज्राचार्यका अनुसार श्रीखण्ड तरूमुल महाविहार तथा काठमाडौं र ललितपुरका बज्राचार्यहरूद्वारा करिब चार–पाँच महिना अघिदेखि गजुरको मूलभागलाई महाविहारभित्र राखी विधिपूर्वक पुजाआजा गरी भित्र्याइएको हो ।