पाल्पामा पनि लगाउन शुरु भयो कोरोनाविरुद्धको भेरोसेल खोप (फोटोफिचर) 

पाल्पा, जेठ २५ : पाल्पामा पनि ६२ देखि ६४ वर्षभित्रका नागरिकका लागि कोरोना भाइरस विरुद्धको भेरोसेल खोप आज (मंगलबार) बाट सुरु भएको छ ।

पाल्पा जिल्लाका करीब ४ हजार १ सय ६२ देखि ६४ वर्ष उमेर समूहले लगाउने लक्ष्य लिइएको स्वास्थ्य कार्यालयका सूचना अधिकारी ओमप्रकाश पन्थीले जानकारी दिए । जिल्लाका १० स्थानीय तहले तथ्यांक संकलन गरी स्वास्थ्य कार्यालयमा पठाएका छन् । यसअघि भने ६० देखि ६४ वर्ष उमेर समूहको तथ्यांक संकलन गरिएको थियो ।

तर ५० प्रतिशत मात्र खोप आएकाले जिल्ला संकट व्यवस्थापन केन्द्रको निर्णयअनुसार खोप अपुग हुने भएपछि ६२ देखि ६४ वर्षकालाई मात्र लगाउने निर्णय भएको स्वास्थ्य कार्यालयका सूचना अधिकारी पन्थीले बताए ।

यसका लागि सम्बन्धित स्थानीय तहले तोके पनि नागरिकको दबाबमा थप स्रोत व्यवस्थापन गरेर प्रत्येक वडामा खोप केन्द्र रहेको छ । तर केही स्थानीय तहले भने प्रत्येक वडामा खोप केन्द्र राखेको छैन ।