काठमाडौं क्षेत्रपाटीमा कोभिड क्लिनिक, ७ जेठदेखि सञ्चालन गरिने (फोटो फिचर)

काठमाडौं, जेठ ४ : काठमाडौं क्षेत्रपाटीमा कोभिड–१९ बिरामीका लागि निःशुल्क क्लिनिक निर्माण भइरहेको छ ।

स्वयंसेवक योगेन्द्र श्रेष्ठका अनुसार क्षेत्रपाटी अस्पतालमा नर्मल बेड २५ र आईसीयूका लागि पाँच बेड निर्माण गरिएको हो । छिट्टै अक्सिजनको प्रबन्ध गर्ने योजना रहेको उनले जानकारी दिए ।

दाता र साथीभाइको सहयोगमा उक्त व्यवस्थापन गर्दै गरिएको उनले बताए । ७ जेठदेखि क्लिनिक सुरु गर्ने तयारी छ ।

१० वटा आईसीयू र ५० वटा नर्मल बेड क्लिनिकमा राख्ने योजना छ । ‘हामी नेपाल ग्रुप’ नामक स्वयंसेवीहरूको संस्थाले उक्त क्लिनिक सञ्चालनमा ल्याउन लागेको हो।