आजदेखि भेरोसेल खोप काठमाडौंका यी केन्द्रबाट दिइँदै

काठमाडौं, वैशाख १२ : चिनियाँ खोप भेरोसेलको पहिलो डोज लगाउनका लागि आइतबार तीन खोप केन्द्र तय गरिएको छ।

आइतबार निजामति अस्पताल मिनभवन, सशस्त्र प्रहरी अस्पताल, बलम्बु र राष्ट्रिय आयुर्वेद अनुसन्धान तथा तालिम केन्द्र, किर्तिपुरमा भाइरोसेल खोप दिईने व्यवस्था गरिएको जिल्ला स्वास्थ्य कार्यालय, काठमाडौंले जनाएको छ ।

यस्तै सोमबार देखि परोपकार प्रसुति तथा स्त्रीरोग अस्पताल, थापाथली, नेपाल मेडिकल कलेज, अत्तरखेल, काठमाडौं मेडिकल कलेज, सिनामंगल र हिमाल अस्पताल, ज्ञानेश्वरमा खोप लगाइने छ। 

साथै वीर अस्पताल, महाबौद्ध, शुक्रराज ट्रपिकल तथा सरुवा रोग अस्पताल, टेकु र त्रिवि शिक्षण अस्पताल, महाराजगन्जमा कोभिसिल्ड खोपको दोस्रो डोज लगाउने कार्य भईरहेको कार्यालयले जनाएको छ।