पोखराका सङ्क्रमितको चितवनमा मृत्यु

चितवन, वैशाख ९ : कोरोना सङ्क्रमितको चितवनमा मृत्यु भएको छ। मृत्यु हुनेमा पोखरा महानगरपालिका-८ का ७२ वर्षीय पुरुष छन् ।

मुटु, मधुमेह, रक्तचाप र निमोनियाको समस्या भई यही वैशाख ५ गते पुरानो मेडिकल कलेजमा भर्ना भएका उनको उपचारका क्रममा आज (शुक्रबार) बिहान साढे ६ बजे मृत्यु भएको अस्पतालले जनाएको छ।

अस्पतालका अनुसार उनलाई यही वैशाख ६ गते कोरोना सङ्क्रमण पुष्टि भएको थियो। सङ्क्रमण पुष्टि भएसँगै  कोभिड सघन उपचार कक्षमा उपचारका क्रममा उनको मृत्यु भएको हो।